Blog

اتعرف على 4 مواقع مفيدة لطلاب طب

17861488_1235394229911228_242600424123058438_n

هو الدكتور ايه غير بالطوا ونضارة وشوية كتب فوق بعض!! 🤓🤓

بما انك اختارت طريق المذاكرة، ودخلت طب، فانت كدة بقيت صاحبنا, وعشان كدة احنا هنساعدك. 😎😎

نساعدك ازاي بقى؟ 

جايبنلك اهم 5 مواقع تقدر تقرا من عندهم وتنزل كتب مجانية خاصة بمجال الطب. 

ده غير المقالات والابحاث و الجديد في العالم بتاعك. 

يعني هتعرف الحياة حواليك عاملة ازاي، فيما يتعلق بمجال الطب.

ادخل على خد فكرة عن المواقع دي، ومنشن صاحبك عشان يستفيد هو كمان.

Advertisements

جرب 5 برامج هيخلوك تذاكر

17799429_1225540457563272_255953107049615238_n

اللي أوله شرط أخره نور، هتنوي على المذاكرة عشان تنجح، يبقى تشيل من قدامك أي حاجة بتشتتك وبسببها المادة اللي بتخلص في اسبوع تخلص في 3 سنين :/

في دراسات اثبتت ان نهاية العالم مش هتيجي وانت موبايلك سايلنت. 😁

ولا الفرصة اللي هتغير حياتك هتيجي وانت عامل mute للنوتيفيكاشن. 

ولا جروب الدفعة هيعمل انقلاب ضدك لو سبته نص ساعة وتروح تذاكر الحاجات اللي قالولك عليها من 3 ايام. 😏😏😏

اقفل الفيس بوك 👀

اعمل الموبايل سايلنت او Airplan mode 👀 

طيب لو جربت كل ده وبرده بتضعف وتفتحهم؟ 🤔🤔🤔

برده هتذاكر وتركز، جبنالك النهاردة برامج ببلاش تنزلهم على موبايلك واللاب توب بتاعك مش هيخلوك تهوب ناحية النت 😈😈😈

يلا جهزنفسك عشان تنزلهم 😎😎

1-Focus lock

ده تطبيق على اندرويد بس، بيخليك تختار الأبليكيشنز اللي بتضيع وقتك وتعملها بلوك لفترة معينة اللي هو وقت المذاكرة يعني. ميزته انه مش بيخليك مضطر تخلي الموبايل على الـAirplan mode وده هيخليك مطمن انه لو حد عايزك في حاجة ضروري هيقدر يوصلك. 

نزله من هنا: http://bit.ly/2n6jveF

2-RescueTime

وده بيشتغل على اللاب توب سواء نظام التشغيل كان لينكس او ويندوز او ماك. 

ده مش بس بيعمل بلوك للمواقع اللي بتشتتك، ده كمان تقدر من خلاله تراقب وقتك، وتعرف اللي انت بتعمله سواء شغل او مذاكرة بتاخد منك قد ايه، وحتى لما بتدخل على اي ويب سايت بيقولك الوقت اللي قضيته عليه، وبيبعتلك ايميل اخر الشهر باللي انت عملته، وبيقولك كنت ماشي كويس ولا لأ. 

يعني تقريبا الأبليكيشن ده بيمثل صوت ضميرك 😀

اللينك: http://bit.ly/2ox3vCr

3-leechblock

وده Extention على Firefox ، برده بيخليك تحدد المواقع اللي عايز تعملها بلوك في الوقت اللي انت تحدده، وبيحسب الوقت اللي بتقضيه على المواقع اللي انت مش عاملها بلوك. عشان تعرف تقيس مدى الإنتاجية بتاعتك. 

ممكن كمان في لحظات الحماس كدة وقوة الإرادة، تعمل نظام الـRedirect link يعني ايه؟ 

ده انك تظبط البرنامج بحيث لو ضعفت وانت بتذاكر وحاولت تفتح الفيس بوك، هيحولك لويب سايت تاني وانت اللي تحدده.ممكن يكون الويب سايت بتاعنا مثلا https://tytegypt.wordpress.com/ عشان تحجز مكان عندنا وتيجي تذاكر 😁😁 

ممكن كمان تعمل نظام password بحيث متعرفش تدخل غير لما تدخله، وطبعا مش انت اللي هتعمل الـpassword ممكن اي حد مامتك، اختك، صاحبك اللي مش بيحبك وتاخده منهم لما تخلص، او احنا طبعا في حالة لو قررت تذاكر عندنا. 

لينك التحميل: https://mzl.la/2owWr8Z

4-StayFocusd

ده نفس نظام اللي فوق بس هو extention على chrom مش firefox

بس ميزته كمان انه بيديلك وقت تتصفح فيه اي ويب سايت او كل الويب سايت اللي حاططهم في الـBlocklist لفترة زمنية معينة انت اللي بتحددها، ومش بيسمح انك تعدل الوقت، او تمد المدة خلال اليوم، يعني جو نص ساعة كمان ده انساه 😀

اللينك:http://bit.ly/2nEaztb

5- Cold Turkey 

ده بقى بيشتغل على الويندوز بس، طبعا احنا اللي بيضيع وقتنا مش النت بس، يعني ممكن دور Pes مش هيخسّر، او GTA او دوري موتوسيكلات انت واصحابك، البرنامج ده بيقفل الكمبيوتر نهائي، بتحط جدول معين او وقت معين مش عايز حاجة تعطلك وتظبطه على Frozen Turkey” ده option في البرنامج بيقفل الكمبيوتر كله. 

لينك التحميل: http://bit.ly/2o4OVBl

ملكش حجة بعد كدة عشان تذاكر وتركز. ايه تاني ممكن يضيع وقتكم، او بيخليكم مش عارفين تذاكروا.

دليلك للدراسة خارج مصر – TYT Sessions

093009_study_abroad-1

في فرعنا في جاردن سيتي.. هنساعدكم تعرفوا إزاي تبدأوا طريق البحث عن الدراسة خارج مصر .. إزاي تختاروا الجامعات.. إزاي تراسلوا الجامعات.. إزاي تبحثوا عن منحة وإزاي تكتبوا Application للجامعة.

المحاضرة هتبقى عبارة عن Presentation قصيرة وبعد كده Interactive session علشان نجاوب على كل أسئلتكم 😉

• سعر التذكرة: 15 جنيه

• للحجز 

اتصل بـ 01090051665 – 0227929771 – 0227929774 – 0227929775

أو ممكن تملا الاستمار البسيطة دي: http://bit.ly/2lXzrvY

 

الأماكن محدودة جدًا.. مش هناخد أكتر من 40 شخص.. First come, First served

🎓 المحاضرة: دينا زكي

%d8%af%d9%8a%d9%86%d8%a7-%d8%b2%d9%83%d9%8a

حاصلة على بكالوريوس في السياسة والاقتصاد من Manhattanville College بأمريكا وحصلت على ماجستير في دراسات التنمية من LSE بلندن عام 2016 وبتنتهي الآن من رسالة الماجستير في الإدارة العامة من الجامعة الأمريكية بالقاهرة.. كما درست في فرايبورج بألمانيا لمدة نصف عام دراسي عام 2009 وفي Graduate Institute في جنيف لمدة نصف عام دراسي عام 2015. وهي الآن تعمل كمديرة قطاع التنمية بمؤسسة بصيرة لذوي الاحتياجات البصرية.

 

All what you need in a co-working space in Egypt

11

With 2 branches in Cairo and Giza, we are ready to deal with all your needs..
✓ Meeting Rooms with various capacities and flexible set up
✓ Shared Spaces which are prepared for you to study, work, read, meet up or just sit and relax.
✓ Fully prepared halls for sessions and workshops with data show equipment and white boards.
✓ We guarantee a high-speed wi-fi connections all the time.
✓ Hot drinks and snacks are essentials.
✓ Friendly atmosphere and a helpful team make your experience amazing!
You can reserve your space through our Facebook page, e-mail, phone or just by visiting us directly, we will be waiting for you daily from 9:00 am till midnight.

• Prices
•• Shared Space

its-flexible
5 EGP / hour
25 EGP / day
Membership: 500 EGP / month

 

•• Rooms
** Garden City Branch

8
Capacities: up to 50 persons.
Price: Starting from 50 EGP/hour and 250 EGP/day

 

** Dokki Branch

4
Capacities: up to 30 persons
Price: Starting from 25 EGP / hour and 250 EGP/ day

★ Special offers for Student Activities and long term clients! ★

Address and phone:
Garden City
10 Dr Handusa St. (Medical Lab Building), 5th floor, In front of New Qasr Eleiny Hospital
01090051665 – 0227929771 – 0227929774 – 0227929775

Dokki
5 Almesaha Square, Left Gate, 3rd floor
01028888405 – 0237605821 – 0237605826 

مساحة عمل مشتركة في مصر فيها كل اللي محتاجه

12

في TYT إحنا جاهزين عشان نحققلك كل رغباتك .. بفرعين في القاهرة والجيزة..

قاعات اجتماعات بمساحات مختلفة ومرونة في تنظيم وتقسم القاعة.

مساحات مشتركة للمذاكرة والشغل والاجتماعات الصغيرة والقراءة أو تقدر بس تقعد وتسترخي تمامًا 😉

قاعات مجهزة تمامًا للمحاضرات وورش العمل.. كل اللي هتحتاجة لو عايزة تعمل Data show .. وكمان White boards.

بنضمنلك إنترنت سريع طول فترة وجودك عندنا.. باشتراكنا في 3 شركات مختلفة عشان لو واحدة خذلتنا الباقي يغطيها D:

المشروبات السخنة والـsnacks الخفيفة أساسية عندنا

عندنا هتلاقي أجواء حلوة وفريق عمل موجود عشان يساعدك .. عشان تجربتك عندنا تكون تجربة عظيمة 

تقدر تحجز بكذا طريقة.. تبعتلنا على صفحتنا على فيسبوك.. أو تبعتلنا ميل.. او بالتليفون.. أو تنورنا في أي وقت من 9 الصبح لـ 12 بالليل هنكون دايمًا في انتظارك

• الأسعار

•• المساحة المشتركة

its-flexible

5 جنيه في الساعة للفرد.

25 جنيه في اليوم

اشتراك شهري: 500 جنيه

•• القاعات

** جاردن سيتي

6

السعة: بتوصل لـ 30 فرد في القاعة.

الأسعار: بتبدأ من 25 جنيه في الساعة للقاعة.

** الدقي

السعة: بتوصل لـ 30 فرد في القاعة.

الأسعار: بتبدأ من 25 جنيه في الساعة للقاعة.

★ وعندنا أسعار خاصة للـ Student Activities أو الناس اللي عايزين يحجزوا مدد طويلة 😉 ★

• العنوان والتليفون

•• جاردن سيتي

10 شارع دكتور حندوسة (مبنى ميديكال لاب)، الدور الخامس ، قصاد مستشفى قصر العيني الجديد (الفرنساوي)

01090051665

0227929771

0227929774

0227929775

•• الدقي

5 ميدان المساحة، المدخل الشمال، الدور التالت

01028888405

0237605821

0237605826 

ضاعف استفادتك من البحث على جوجل بـ 40 سر مختلف

google-headquarters-sign

جوجل .. حوت الإنترنت.. وملك الفضاء الإلكتروني  

نقدر نقول كده بثقة .. لكن لما بنقول كده مش السبب هو “محرك بحث جوجل” أو السيرش بتاع عم جوجل اللي بيوصّلنا للي احنا عايزينه في ثواني.. وكل يوم بيتطور عن اليوم اللي قبله ..

جوجل هو الحوت لأنه بيقدم مجموعة كبيرة من الخدمات غير البحث

في الأيام الجاية هنبتدي نتكلم عن الخدمات دي .. ونتعلم إزاي نستفيد بيها ..

بس النهارده هنبتدي برضو بالـ search .. وهنتكلم عن 30 سر يخلوك تضاعف استفادتك بـ Google Search.

1- لو بتدوّر على جملة وعايز جوجل يبحث عنها على بعضها مش كل كلمة لوحدها.. حط الجملة بين علامتين تنصيص زي كده : “Learn Google”

2- لو بتعمل search على “Funny Videos” وعايز النتايج تبقى للجملة كاملة مش يطلعلك “Funny” لوحدها و” Videos” لوحدها … حط بينهم كلمة AND .. بس لازم تكون بالشكل ده (AND) (كل حروفها Capital)

3- لو بتدوّر على أغنية معينة لكن مش فاكر اسمها وفاكر جزء من كلماتها.. اكتب الجزء اللي انت فاكره وبعده رمز النجمة (*) ..

مثلًا: ( كلمتين يتقالوا منه * ) .. هيطلعلك النتايج اللي فيها كلمات أغنية “ريحة الحبايب” واسمها.

أو عايز تعرف إنجازات أحمد زويل ممكن تكتب كده : (إنجازات أحمد زويل * )

4. لو عندك سؤال معين عايز إجابته.. اعمل سيرش بصيغة السؤال مش مجرد بحث بكلمات عشوائية.. 

فمثلًا اكتب : ?who is president of india

أحسن من : president of india

5. لو عايز تدوّر على حاجة معينة في موقع معين… يعني لو مثلًا عايز تدوّر على كلمة aliens في موقعNasa.gov .. اكتب كده:

Site:nasa.gov aliens

(Sitee: كلمة البحث + الموقع)

6. في جوجل بتقدر تعمل سيرش على كلمة معينة ( مثلًا: محمد منير) .. وبعدين تختار images فيتطلعلك صور محمد منير … لكن اللي مش ناس كتير تعرفه إنك تقدر تختار images وبعدين تختار upload photo .. وترفع صورة موجودة عندك أصلًا.. فتطلعلك نفس الصورة من كل المواقع اللي الصورة موجودة فيها… ده مثلًا ممكن يخليك تعرف هل الصورة دي حقيقة ولا مزيفة ولا تخص شخص معين ولا حدث معين.. وهكذا.

7. لو عايز تدوّر على نوع ملفات Files معين .. وليكن مثلًا pdf … ممكن تكتب filetype: وبعدها نوع الفايل و بعدها كلمة البحث ..

يعني مثلًا لو بندوّر على كتب نجيب محفوظ pdf … نكتب كده:

filetype:pdff نجيب محفوظ

8. لو عايز تتعرف على بلد جديدة أو مكان ناوي تسافرله وتعرف أهم المعالم بتاعته وتتفرج على صوره… ممكن تكتب اسم المدينة أو البلد بالإنجليزي وبعده تكتب: attractions

9. لو بتعمل بحث عن سلعة وعايز نتايج البحث تطلع محصورة بين سعرين معينين .. أو حدث معين وعايز النتايج تبقى بين تاريخين معينين … ممكن تستخدم النقطتين ( .. ) …

فمثًلا.. لو عايز معلومات عن الحروب بين سنة 1960 و 1970 .. تكتب كده:

war 1960..1970

10. لو عايز رقم خدمة العملاء بتاع شركة معينة سواء في مصر أو بره مصر .. اكتب: خدمة عملاء + اسم الشركة

مثلًا: amazon customer service … هيطلعلك رقم خدمة عملاء موقع أمازون على طول من غير ما تحتاج تفتح موقعهم وتدوّر فيه

11. لو عايز تعرف معنى كلمة معينة في القاموس.. اكتب جنبها definition … فمثلًا:

entrepreneurship definition

12. لو عايز تعمل حسابات رياضية بسيطة أو معقدة.. تقدر تعمل ده على جوجل! ..

أول طريقة إنك تكتب كلمة calculator .. هتظهرلك آلة حاسبة.. وتعامل بقى 😀

تاني طريقة إنك تكتب سؤال زي مثلًا: ?how much is 14% of £3277 .. لو عايز تعرف نسبة الـ14% من 327 جنيه تساوي كام.

تالت طريقة إنك تستخدم علامات الجمع والطرح والضرب والقسمة عادي في مربع البحث .. فتكتب مثلًا 53+64 .. فتطلعلك النتيجة على طول 😀

13. لما تعمل بحث على كلمة أو جملة معينة.. تقدر تحدد النتايج اللي بتطلع أكتر.. فممكن تحدد بالتاريخ أو البلد.. .. أو تكون خرايط فقط أو mobile apps فقط أو أخبار فقط ..أو ممكن في الصور تحدد حجم معين أو ألوان معينة أو وقت أو تاريخ معين.

14. تقدر في مربع بحث جوجل تحول من جنيه لدولار أو أي عملات تانية أو وحدات قياس … فمثلًا عشان تعرف الـ 23 سنتيمتر تساوي كام pixel … بتكتب كده:

convert 23 cm to pixels

15. لو مسافر مكان وعايز تعرف درجة الحرارة هناك عشان تعمل حسابك .. اكتب اسم المكان وجنبه كلمة weather … فمثلًا تكتب: Paris weather … وطبعًا مش لازم لو مسافر.. ممكن لو عايز تعرف الحرارة بكرة في المكان اللي انت فيه

16. عن طريق جوجل تقدر تعرف الـ spelling الصحيح لأي كلمة.. مطلوب منك بس تكتب أقرب حاجة للـ spelling الصح .. وجوجل هيقولك التصحيح بتاعه.

17. لو الموقع اللي انت بتدور عليه “واقع” أو فيه مشكلة ومش بيفتح .. هتلاقي في نتايج بحث جوجل جنب لينك الموقع سهم صغير كده.. دوس عليه هيطلعلك اختيارين .. اختيار منهم اسمه cached .. هيتفتحلك نسخة حديثة من الموقع تبص عليه بصة .. لكنها نسخة للمشاهدة فقط .. مثلًا لو موقع بنك وعايز تفتح معلومات حسابك عن طريقه مش هينفع لأن دي بيانات خاصة.

18. جرب تدخل على اللينك ده : shopping.google.com .. هتلاقيه محرك بحث خاص بجوجل لكن مخصص للـ shopping! 😀

للأسف هو حاليًا لمنتجات بتتباع بره مصر.. نتمنى مصر تبقى على الخريطة قريب 😀

19. لو عايز تعرف الساعة كام في طوكيو مثلًا .. اكتب كده في جوجل: time tokyo .. ولو عايز تعرف الشمس بتشرق هناك امتى .. أو الغروب الساعة كام .. اكتب sunrise tokyo أو sunset tokyo

20. فيه لعبة في أمريكا اسمها Bacon number .. قائمة على نظرية six degrees of separation .. النظرية بتقول إن كل اتنين بني آدمين في العالم بينهم علاقة ببعض علاقة عن طريق 6 درجات بحد أقصى.. يعني إيه؟

يعني أنا وانت بيننا 66 أصحاب مشتركين.. أنا صاحب علاء.. وعلاء صاحب عماد.. وعماد صاحب بهاء.. وبهاء صاحب إبراهيم.. وإبراهيم صاحب أحمد .. وأحمد صاحبك 😀

Bacon number بقى هو رقم بيبن درجة العلاقة بين الفنانين و الممثل Kevin Bacon

جربوا تكتبوا mona zaki bacon number

21. لو عايز تعرف قيمة أو سعر شركة في السوق اكتب اسمها وبعده كلمة Stock .. جرب تكتب Apple stock

22. جوجل يقدر يساعدك تحسب البقشيش اللي ممكن تدفعه في أي مكان المفروض يكون كام !  .. بس ده بالدولار.. اكتب tips for 100 dollar .. هيطلعلك tooll بتحسب المبلغ اللي المفروض تدفعه! . غريبة مش كده؟

23. ممكن تعمل بحث عن الصور المرتبطة بهاشتاج معين.. ببساطة اكتب في مربع البحث الهاشتاج هيتظهرلك الصور المرتبطة بيه.


24. اكتب في جوجل كلمة Set timerr.. هيظهرلك مكان لكتابة الوقت اللي انت عايز جوجل ينبهك بعده! .. أيوه Timer من جوجل

25. لما تعمل search على صور Steve Jobs مثلًا .. ممكن توصل لنتيجة أدق لما تختار search tools وفي type ممكن تختار face فيجيبلك الصور اللي مركزة على وشه بس… أو Clip art فيجيبلك الصور الكارتونية ليه.. وهتلاقي اختيارات تانية مفيدة.

26.لو بتحب الأفلام.. جوجل هيساعدك بمعلومات كتير عنها.. جرب تكتب Now You See Me cast .. هتطلعلك أسماء وصور فريق عمل الفيلم .. ولو الفيلم لسه بيتعرض في السينمات تقدر تعرف مواعيد العرض لو كتبت اسمه الفيلم وبعده showtimes .. مثلًا: Now You See Me showtimes.

27. إحصائيات وأرقام كتير تقدر تعرفها لو سألت جوجل.. فمثلًا لو عايز تعرف تعداد سكان نيجيريا اكتب population of nigeria.. وشوف النتيجة

28. لو انت في منطقة زي الدقي مثلًا ومش عارفها كويس ومحتاج مكان تشتغل فيه.. اكتب co working space near dokki .. هتظهرلك مجموعة من الـ co-working spaces في الدقي.. أولها TYT طبعًا

29.لو عايز تعمل searchh على كلمة جوه موقع معين.. ممكن تستخدم جوجل .. وليكن مثلًا عايزين نعمل بحث عن “محمد صلاح” على موقع فيلجول… يبقى هنكتب كده:

site:filgoal.com محمد صلاح

فتظهرلك كل الصفحات اللي على موقع فيلجول فيها كلمة محمد ضلاح

30. تقدر في جوجل تعمل بحث بالصور.. بمعنى إنك لو عايز مثلًا طريقة عمل البيتزا ممكن ترفع صورة على جوجل لبيتزا وهتطلعلك الطريقة.. أو لو انت صورت صورة معينة وعايز تشوف لو حد سرقها منك واستخدمها بدون إذن .. اعمل drag & drop للصورة في جوجل وهتطلعلك بكل الأحجام والاماكن اللي  اتنشرت فيها.

31. جوجل ممكن يعملك Timer بحيث يرن بعد وقت معين لو عايزه ينبهك.. اكتب بس في الـ search box اللي انت عايزه.. مثلًا: set timer 5 minutes.. فهيرنلك بعد 5 دقايق بالظبط.. طبعًا ممكن تختار إنك تلغي إمكانية إنه يبعتلك رنة.. بس كده ما عملناش حاجة غالبًا 😀

32. لو انت في مكان جديد عليك (وليكن المعادي مثلًا 😀) ومحتاج تعرف أقرب مطاعم ليك.. ادخل على الـ maps واكتب restaurants near maadi.

33. جوجل بيتيح إمكانية إنك تعمل بحث في أرشيف مجموعة كبيرة من الجرايد القديمة.. أغلبها أمريكية.. على اللينك ده https://news.google.com/newspapers

34. لو انت بتبحث عن جملة أو كلمة معينة وعايزها هي بالتحديد مش أي حاجة تانية شبهها.. وكمان عايزها تكون جوه الصفحة نفسها مش العنوان مثلًا.. وليكن مثلًا جملة mohamed salah goal

استخدم جملة allintext .. يعني هتكتب كده في مربع البحث: allintext:mohamed salah scores.

35. لو عايز تعمل سيرش جوه موقع معين ممكن تعمل ده في الـ search boxx اللي جوه الموقع.. لكن النتايج مش هتكون بدقة جوجل… تقدر تستخدم جوجل في البحث جوه موقع معين..

ازاي؟

ادخل على جوجل.. اكتب في مربع البحث site: وبعدها لينك الموقع .. ثم الكلمات اللي بتدور عليها..

مثلًا: site:nasa.gov aliens

36. لو عايز تعرف معاد مناسبة معينة أو عيد معين.. زي مثلًا عايز تعرف رمضان السنادي هيبدأ يوم كام.. اعمل سيرش بجملة: ramadan 2017.. هيطلعلك التاريخ بالظبط. (هيكون 27 مايو إن شاء الله 😀)

37. جوجل عاملين محرك بحث مخصوص للطلاب والأكاديميين.. هوhttps://scholar.google.com .. فيه كتب ومراجع .. ولو انت شخص بينتج مرجع أو كتب أو أبحاث تقدر تعمل أكاونت وتتابع بيه الناس بيعملوا سيرش قد إيه على شغلك.

38. لو عايز تعرف أصل كلمة معينة.. وليكن مثلًا كلمة cigarette .. اكتب: cigarette etymology.. هيطلعلك أصل الكلمة.. اللغة الأصلية ومن سنة كام.. ومعناها وحجم استخدامها بمرور الزمن.

39. لو عايز تعرف الـ IP Adress بتاع اللاب بتاعك.. اعمل سيرش بكلمة ip address أو what is my ip address.

40. في مناسبات كتير بيغير جوجل اللوجو بتاعه بشكل مؤقت.. اللوجو ده اسمه Doodle.. لو بتحبوا الـ doodles بتاعت جوجل تقدروا تدخلوا على اللينك ده وتتفرجوا على أرشيف فيه كل الدودلز اللي نزلت قبل كده 😉

https://www.google.com/doodles#archive

TYT’s new branch is open now at Garden City

Visit our new branch at Garden City and enjoy the best atmosphere for work and study!
Experience our VIP Area which totally prepared for freelancers to focus and complete their tasks efficiently, and for students as well.
Or you can grab a seat and try our quiet Shared Space.

its-flexible

✓ High-Speed Wi-Fi.
✓ Stationery
✓ Drinks & snacks.
✓ Clean and quiet place.
✓ Professional atmosphere.

Our address: 10 Dr handusa Street, Medical Lab Building, 5th floor, in front of New Qasr Eleiny Hospital.
Phone: 0227929771 – 0227929774 – 0227929775